Bydd gennych dair ffordd i bleidleisio:

Opsiwn un: Y Blwch Pleidleisio

Mae rhai pobl yn hoff o fynd i’r orsaf bleidleisio ar ddiwrnod yr etholiad, bwrw eu pleidlais ar bapur a’i roi yn y blwch pleidleisio.

Os ydych wedi cofrestru i bleidleisio, anfonir cerdyn pleidleisio atoch. Bydd hyn yn dweud wrthych lleoliad eich gorsaf bleidleisio agosaf.

Dim cerdyn pleidleisio? Peidiwch poeni! Os ydych wedi cofrestru i bleidleisio, gallwch fynd i’ch orsaf bleidleisio agosaf.

Opsiwn dau – trwy’r post

Fel arall, gallwch bleidleisio drwy’r post, ond bydd angen i chi gofrestru ar gyfer hyn hefyd.

Cynghorau lleol sy’n gyfrifol am gynnal yr etholiadau mewn gwirionedd, felly mae angen i chi naill ai ymweld â gwefan eich awdurdod lleol neu’r Comisiwn Etholiadol. Bydd angen i chi lenwi’r ffurflen bleidleisio drwy’r post a’i hanfon yn ôl at eich awdurdod lleol. Oes – mae angen i chi wneud cais drwy’r post i bleidleisio drwy’r post.

Bydd angen i chi wneud eich cais cyn 19eg Ebrill i allu pleidleisio drwy’r post yn etholiadau lleol 5ed Mai.

Pan fyddwch wedi gwneud cais i bleidleisio drwy’r post, byddwch yn cael papur pleidleisio ac amlen drwy’r post. Yna rydych chi’n ei llenwi a’i hanfon yn ôl i’r cyfeiriad y mae’n ei ddarparu. Os byddwch yn anghofio ei bostio, peidiwch â phoeni – gallwch ei roi yn yr orsaf bleidleisio ar y diwrnod.

OPSIWN TRI – PLEIDLAIS DRWY DDIRPRWY.

Os na allwch bleidleisio’n bersonol, gall rhywun rydych chi’n ymddiried ynddo bleidleisio drosoch chi a byddwch chi’n dweud wrthyn nhw pwy i bleidleisio drosto. Gelwir hyn yn bleidlais drwy ddirprwy.

Gall unrhyw un fod yn ddirprwy i chi, cyn belled â’u bod wedi cofrestru i bleidleisio a bod hawl ganddynt hwy i bleidleisio.

Mae yna ffurflen bapur arall i wneud cais am bleidlais drwy ddirprwy – gallwch naill ai lawrlwytho ffurflen neu ofyn iddi gael ei hanfon atoch. Yna bydd angen i chi ei hanfon at eich cyngor lleol erbyn 26ain Ebrill i bleidleisio ‘drwy ddirprwy’.

Ar ddiwrnod pleidleisio, bydd angen i’ch ‘dirprwy’ fynd i’ch gorsaf bleidleisio i bleidleisio – gall hyn fod yn lleoliad gwahanol i’w hun nhw! Bydd yn rhaid iddynt ddweud tri pheth wrth eich gorsaf bleidleisio: eu henw, eich enw a’ch cyfeiriad. Gallant hefyd wneud cais i bleidleisio drosoch drwy’r post – gelwir hyn yn ddirprwyo drwy’r post.

Am fwy o wybodaeth ewch i: Electoral Commission: Pleidleisio drwy ddirprwy

Ac mae’n ddrwg gennym, er mai 2022 yw’r flwyddyn a gallwch wirio cynnwys eich oergell ar y rhyngrwyd, ni ellwch bleidleisio ar-lein.

Beth am y pendemig?

Mae rheolau ynghylch coronafeirws wedi eu llacio, sy’n golygu y dylech allu pleidleisio yn yr etholiadau lleol yn ôl yr arfer.

Nodyn cyflym

Ni chaniateir i chi gymryd hunluniau yn y bwth pleidleisio na rhannu lluniau o’ch pleidleisiau ar gyfryngau cymdeithasol. Mae’n ymwneud â chadw pleidleisio’n gyfrinachol fel na all pobl eraill ddylanwadu arno.